altun.az

Axund: Novruz bayramının qeyd olunması İslam dininə zidd deyil

18-03-2017, 18:47

Axund: Novruz bayramının qeyd olunması İslam dininə zidd deyil

Novruz bayramının qeyd olunması İslam dininə zidd deyil və dindarlar da xalqımızın milli bayramından kənarda qalmır.

Altun.az xəbər verir ki, bunu report-a açıqlamasında “Heydər” məscidinin axundu Rüfət Qarayev deyib.

Onun sözlərinə görə, İslam dinində Qurban, Ramazan və bir də cümə günləri müsəlmanların bayramı kimi qeyd olunsa da, dinimiz hər bir millətin özünəməxsus adət-ənənələrinə, milli dəyərlərinə hörmətlə yanaşır:

“Novruz bir sıra radikal qüvvələr tərəfindən bayram kimi qeyd olunmur. Amma xalqımızın milli bayramı dindarlar tərəfindən də qeyd olunur.

Novruz Azərbaycan xalqının əsrlərdən bəri gələn milli bayramıdır. Eyni zamanda, Novruz adətləri özündə bir sıra mənəvi dəyərləri əks etdirir. Bunlar böyüklərə ehtiram göstərmək, uşaqları sevindirmək, qohumları ziyarət etmək, hədiyyələşmək və s. kimi bir çox amillərdir. Bu baxımdan Novruzu müsəlmanlar da qeyd edir”.

R.Qarayev qeyd edib ki, İslam sadəcə Novruz bayramında yol verilən bəzi xurafat xarakterli əməllərin əleyhinədir.


Mətndə səhv var? Onu siçanla seçin və Ctrl+Enter düyməsini basın.
Oxunub: 451 <
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.Altun.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və Baş redaktor: Süleyman Məmmədli
Tel: (+99450) 365-95-47
Baş redaktorun I müavini: Azay Süleymanoğlu
Tel: (+99451) 390-20-70
E-mail: altun.az@mail.ru
altun.reklam@mail.ru
altunxeber@gmail.com