altun.az

İki marşrut xəttinin istiqaməti dəyişdi - SƏBƏB

28-11-2016, 10:17

İki marşrut xəttinin istiqaməti dəyişdi - SƏBƏB

Bakının inzibati ərazisində fəaliyyət göstərən 2 və 7 nömrəli müntəzəm şəhərdaxili marşrut xətlərinin hərəkət istiqamətində dəyişiklik edilib.

Altun.az xəbər verir ki, Bakı Nəqliyyat Agentliyindən verilən məlumata görə, dəyişikliyə əsasən, 2 nömrəli marşrutun hərəkəti noyabrın 30-dan Ziya Bünyadov prospekti 36, Daxili İşlər Nazirliyinin Respublika Hospitalının qarşısına qədər qısaldılıb və son dayanacaq həmin ərazi təyin edilib.

Dəyişiklikdən əvvəl 2 nömrəli marşrut xətti üzrə avtobusların son dayanacağı kimi “Azadlıq” və “Ziya Bünyadov” prospektlərinin kəsişdiyi ərazi müəyyən edilmişdi. Lakin bu dayanacaqlar günün pik saatlarında həmin yolda avtonəqliyyat vasitələrinin hərəkətində sıxılığın yaranmasına səbəb olurdu.

Dəyişikliyin digər səbəbi isə sərnişin axının vəziyyəti ilə bağlıdır. Aparılan təhlillər nəticəsində son dayanacaq olaraq müəyyən edilən yeni ərazidə sərnişin axını daha çoxdur.

7 nömrəli marşrutun hərəkət trayektoriyası da noyarın 30-dan dəyişdirilərək 9-cu mikrorayon Həmzə Babaşov-İlqar Cümşüdov küçəsi-Cavadxan küçəsi ilə, Abbas Mirzə Şərifzad küçəsi istiqamətində-Nazim Hikmət küçəsi-Əbdürrəhimbəy Haqverdiyevə küçəsi, əks istiqamətdə Hüseyn Cavid prospekti-Həsən Məcidov küçəsi-Əhməd Cəmil-Əbdürrəhimbəy Haqverdiyev küçəsi olmaqla müəyyən edilib.

Bu dəyişikliyin əsas səbəbi isə bəzi küçə və prospektlərdə hazırkı hərəkət trayektoriyası ilə yol hərəkəti qaydaları arasında uyğunsuzluqdur.


Mətndə səhv var? Onu siçanla seçin və Ctrl+Enter düyməsini basın.
Oxunub: 596 <
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.Altun.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və Baş redaktor: Süleyman Məmmədli
Tel: (+99450) 365-95-47
Baş redaktorun I müavini: Azay Süleymanoğlu
Tel: (+99451) 390-20-70
E-mail: [email protected]
[email protected]
[email protected]