altun.az

Ağsu Mərkəzi Xəstəxanasına elektrik enerjisinin verilməsi bərpa olundu

7-11-2016, 11:52

Ağsu Mərkəzi Xəstəxanasına elektrik enerjisinin verilməsi bərpa olundu

Ağsu Rayon Mərkəzi Xəstəxanasına elektrik enerjisinin verilməsi bərpa olunub.

Altun.az xəbər verir ki, bu barədə xəstəxananın baş həkimi Şəhrəbanu Məlikova məlumat verib.

Baş həkim bildirib ki, bu gün səhər saatlarında “Azərişıq” ASC ilə razılıq əldə edilib və istifadə edilən elektrik enerjisinə görə yaranmış borcun mərhələli ödənişi barədə müqavilə bağlanıb:

“Razıllaşmadan sonra Ağsu Rayon Mərkəzi Xəstəxanasına elektrik enerjisinin verilməsi bərpa edilib. “Azərişıq” ASC-yə noyabr ayına qədər 31920 manat işıq pulu ödənilib. Onun 31 min manatı dövlət büdcəsi, 920 manatı şəxsi, yəni özümüz tərəfindən ödənilib. Oktyabrda 400 manat, noyabrda 520 manat elektrik enerjisinə görə pul ödəmişik. Hazırda xəstəxananın elektrik enerjisinə görə 28 min manat borcu qalıb. Onu da mərhələli ödəyəcəyik. Razılaşdıq ki, qarşıdakı aylarda da qalan məbləğ ödəniləcək. Hazırda işıqlarımız yanır və vəziyyət normaldır”.

Xatırladaq ki, noyabrın 3-də Ağsu Rayon Mərkəzi Xəstəxanasına elektrik enerjisinin verilməsi borca görə dayandırılmışdı. Həmin vaxtdan etibarən xəstəxanaya xüsusi generatorlarla işıq verilirdi.


Mətndə səhv var? Onu siçanla seçin və Ctrl+Enter düyməsini basın.
Oxunub: 615 <
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.Altun.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və Baş redaktor: Süleyman Məmmədli
Tel: (+99450) 365-95-47
Baş redaktorun I müavini: Azay Süleymanoğlu
Tel: (+99451) 390-20-70
E-mail: [email protected]
[email protected]
[email protected]