altun.az

Saakaşvili: “Putin Poroşenkoya tapşırıb ki, məni...”

12-09-2017, 17:35

Saakaşvili: “Putin Poroşenkoya tapşırıb ki, məni...”

Gürcüstanın eks-prezidenti və Odessa vilayətinin sabiq qubernatoru Mixail Saakaşvili mətbuat konfrası keçirib.

Altun.az xəbər verir ki, konfransın görüntüləri Saakaşvilinin rəsmi Feysbuk hesabında canlı yayımlanıb.

O, Ukrayna Prezidenti Petro Poroşenkonu ölkə oliqarxları ilə əlbir olmaqda ittiham edib:

“Poroşenko oliqaraxlarla ölkəni talayır. Onlar demək olar ki, Ukraynanı bölüblər. Mənim həbsim Rusiya Prezidenti Vladimir Putinin tapşırığıdır. Poroşenko məni tutub, Gürcüstana təhvil vermək istəyir”.

Saakaşvili Nino Burcanadzeninin məhkəmədə ona qarşı ifadə verməsinə də münasibət bildirib:

“Burcanadze Krımın Rusiyaya aid olmasını deyənlərdən biridir. O, Ukrayna televiziyalarında rus fikirlərini səsləndirir. Ona inanmaq olmaz”.

Qeyd edək ki, Ukrayna Prezidenti Petro Poroşenko iyulun 26-da ABŞ-da səfərdə olan Saakaşvilinin Ukrayna vətəndaşlığından çıxarılması ilə bağlı qərar qəbul edib. Bundan sonra sabiq qubernator Ukraynaya qayıdacağını elan edib. Dünən axşam saatlarında Saakaşvili Ukraynadakı tərəfdarları ilə birlikdə ölkə sərhədini keçib. Bu zaman sərhədçilərlə Saakaşvili tərəfdarları arasında toqquşmalar baş verib. Olaylar nəticəsində azı 16 sərhədçi yaralanıb.

Bununla əlaqədar Ukrayna Daxili İşlər Nazirliyi Saakaşviliyə qarşı cinayət işinin başlandığını bildirib.


Mətndə səhv var? Onu siçanla seçin və Ctrl+Enter düyməsini basın.
Oxunub: 351 <
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.Altun.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və Baş redaktor: Süleyman Məmmədli
Tel: (+99450) 365-95-47
Baş redaktorun I müavini: Azay Süleymanoğlu
Tel: (+99451) 390-20-70
E-mail: altun.az@mail.ru
altun.reklam@mail.ru
altunxeber@gmail.com