altun.az

Bahar Muradova: “Ermənilər hələ də cinayət məsuliyyətindən yayınırlar”

10-02-2017, 12:02

Bahar Muradova: “Ermənilər hələ də cinayət məsuliyyətindən yayınırlar”

Bu gün Milli Məclisdə “Beynəlxalq cinayətlərin qarşısının alınması və cəzalandırılması haqqında” qanun layihəsinin təqdimatı olub.
Tədbir Milli Məclisin İnsan hüquqları komitəsi tərəfindən təşkil edilib.
Tədbirdə Milli Məclis sədrinin müavini Bahar Muradova, Azərbaycanın hərbi prokuroru Xanlar Vəliyev, Prezident Administrasiyasının ictimai-siyasi məsələlər şöbəsinin müdir müavini Ərəstun Mehdiyev, Prezident Administrasiyasının Hüquq mühafizə orqanları ilə iş şöbəsinin İnsan hüquqlarının müdafiəsi məsələləri sektorunun müdiri Çingiz Əsgərov, Prezident yanında Qeyri-Hökumət Təşkilatlarına Dövlət Dəstəyi Şurasının sədri, deputat Azay Quliyev və digər şəxslər iştirak edib.
Milli Məclisin sədr müavini Bahar Muradova bildirib ki, Ermənitanın Azərbaycana qarşı siyasəti bəllidir:
“Ermənilər torpaqlarımızı işğal edib, mədənəiyyət abidələrini dağıdıb, xeyli sayda insan məcburi köçkün olub. Azərbaycan həqiqətlərini dünyaya çatdırmağa çalışmışıq, amma təəssüflər olsun ki, istədiyimiz nəticəni əldə etməmişik. Azərbaycan torpaqları hələ də işğal altındadır”.
B.Muradova deyib ki, Ermənistanın Azərbaycana qarşı təcavüzü ilə bağlı dünya ictimaiyyətini məlumatlandırmaq lazımdır:
“Ermənilər hələ də cinayət məsuliyyətindən yayınırlar. Bilirsiz ki, 10 ölkə Xocalı soyqırımını tanıyıb, ABŞ-ın bir neçə ştatı müvafiq qərarlar çıxarıb. BMT-nin Təhlükəsizlik Şurası bununla bağlı qətnamə qəbul edib. Amma bu qətnamənin tələblərinə əməl etmirlər. Ermənilərin Azərbaycana etdikləri ilə bağlı obyektiv münasibət olsaydı, bu məsələ həllini tapmış olardı. Ermənistanın havadarları bu işdə qeyri-obyektiv münasibət sərgiləyir. Hazırda “Beynəlxalq cinayətlərin qarşısının alınması və cəzalandırılması haqqında” qanun layihəsi hazırlanıb”.


Mətndə səhv var? Onu siçanla seçin və Ctrl+Enter düyməsini basın.
Oxunub: 661 <
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.Altun.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və Baş redaktor: Süleyman Məmmədli
Tel: (+99450) 365-95-47
Baş redaktorun I müavini: Azay Süleymanoğlu
Tel: (+99451) 390-20-70
E-mail: [email protected]
[email protected]
[email protected]