altun.az

Böyüklərdə sızanaqların 5 TƏHLÜKƏLİ SƏBƏBİ

15-10-2016, 20:12

Böyüklərdə sızanaqların 5 TƏHLÜKƏLİ SƏBƏBİ

Adətən sızanaqlar yeniyetməlik dövründə əmələ gəlir. Bu təbii fizioloji prosesdir və yeniyetmənin orqanizmində ciddi hormonal dəyişikliklərlə izah olunur.
Müəyyən müddət keçdikdən sonra hormonal fon sabitləşir və sızanaqlar da yox olur.
Altun.az xəbər verir ki, Böyüklərdə sızanaqların əmələ gəlməsi ciddi və bəzən hətta təhlükəli simptom sayılır. Bu bəzi ciddi xəstəliklərin və pozulmaların simptomu ola bilər:
1. Hormonal pozulmalar.
Qadınların orqanizmində kişi hormonu olan testosteronun səviyyəsi yüksəldikdə, piy vəziləri daha fəal işləməyə başlayır ki, nəticədə sızanaqlar əmələ gəlir.
Adətən bu zaman qadınlarda tüklənmə, menstrual dövrünün pozulması, sonsuzluq kimi simptomlar meydana çıxır.
2. Mədə-bağırsaq sistemi xəstəlikləri
Mədə-bağırsaq sistemində olan pozulmalar əksər hallarda "üzə çıxır". Disbakterioz, qəbizlik kimi pozulmalar, qurd xəstəlikləri zamanı dəridə sızanaqlar əmələ gələ bilər.
3. Xroniki tonzillit (angina)
Boğazda xroniki iltihabın olması da dərinin vəziyyətinə mənfi təsir edir, sızanaqların əmələ gəlməsinə səbəb olur.
4. Xroniki stress, nevroz
Xroniki stress orqanizmdə kortizol hormonunun daim artmasına səbəb olur. Bu hormonun artması orqanizmdə və o cümlədən dəridə iltihabi proseslərin güclənməsinə gətirib çıxardır.
5. Qaraciyər xəstəlikləri
Qaraciyər orqanizmin əsas filtridir, orqanizmi toksin və digər ziyanlı maddələrdən təmizləyir. Qaraciyər pis işlədikdə toksinlər orqanizmdə yığılmağa başlayır ki, bu da dərinin vəziyyətinə çox mənfi təsir edir.
Bütün bunları nəzərə alaraq böyüklərdə sızanaqların əmələ gəlməsi həkimə (kosmetoloqa deyil!) müraciət etmək üçün ciddi səbəb sayılır.


Mətndə səhv var? Onu siçanla seçin və Ctrl+Enter düyməsini basın.
Oxunub: 799 <
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.Altun.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və Baş redaktor: Süleyman Məmmədli
Tel: (+99450) 365-95-47
Baş redaktorun I müavini: Azay Süleymanoğlu
Tel: (+99451) 390-20-70
E-mail: altun.az@mail.ru
altun.reklam@mail.ru
altunxeber@gmail.com