altun.az

Bakıda bir gündə 3 BIÇAQLANMA

18-05-2017, 11:23

Bakıda bir gündə 3 BIÇAQLANMA

Bakıda bir gündə 3 bıçaqlanma hadisəsi qeydə alınıb.
Bakının Qaradağ rayonunda 39 yaşlı kişi yeznəsi tərəfindən bıçaqlanıb.
Belə ki, Qızıldaş qəsəbəsində 1978-ci il təvəllüdlü Mustafayev Telman Fərman oğlu yeznəsi tərəfindən bir neçə ağır bıçaq xəsarəti alıb. T.Mustafayev xəstəxanaya yerləşdirilib.
Onun vəziyyətinin ağır olduğu bildirilir.
Faktla bağlı Qaradağ Rayon Polis İdarəsinin 37-ci Polis Bölməsi tərəfindən araşdırma aparılır.
İkinci bıçaqlanma hadisəsi isə Nəsimi rayonunda qeydə alınıb.
Belə ki, 3-cü mikrorayon dairəsi kimi tanınan ərazidə 1966-ci il təvəllüdlü İbrahimov Qalib Vaqif oğlu tanımadığı şəxslə mübahisə edib. O, mübahisə zamanı bıçaqlanıb. Q.İbrahimov aldığı xəsarətlərə görə xəstəxanaya yerləşdirilib.
Faktla bağlı Nəsimi Rayon Polis İdarəsinin 19-cu Polis Bölməsinin əməkdaşları araşdırma aparır.
Nərimanov rayonu, Mirzəbala Əhmədzadə küçəsindəki mənzillərdən birində yaşayan 1980-ci il təvəllüdlü İsmayılov Nicat Aslan oğlu isə özünə bir neçə bıçaq xəsarəti yetirərək intihar etmək istəyib.
Onun nə üçün intihara cəhd göstərdiyi hələlik məlum deyil.
Faktla bağlı hüquq-mühafizə orqanları tərəfindən araşdırma aparılır.


Mətndə səhv var? Onu siçanla seçin və Ctrl+Enter düyməsini basın.
Oxunub: 419 <
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.Altun.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və Baş redaktor: Süleyman Məmmədli
Tel: (+99450) 365-95-47
Baş redaktorun I müavini: Azay Süleymanoğlu
Tel: (+99451) 390-20-70
E-mail: altun.az@mail.ru
altun.reklam@mail.ru
altunxeber@gmail.com