Bugün:

Azərbaycanda təhsil müəssisələrində ödəniş AŞAĞA SALINDI

04 avq 2017, 16:02, altun
    Oxunub: 87
Azərbaycanda təhsil müəssisələrində ödəniş AŞAĞA SALINDI

İlk peşə-ixtisas təhsili müəssisələrinə ödəniş haqqı bu il aşağı salınıb.
Altun.az xəbər verir ki, bunu Peşə Təhsili üzrə Dövlət Agentliyinin peşə təhsili müəssisələrinin idarə edilməsi, keyfiyyətin təminatı və monitorinq şöbəsinin müdiri Amil Əlili “Azərbaycan müəllimi”qəzetinə müsahibəsində deyib.
Onun sözlərinə görə, ötən il ixtisasdan asılı olaraq ödənişl minimum 500 manat idi. Bu il qiymətlər 350 manatdan başlayır və 500 manata qədər dəyişir.
A.Cəlili bildirib ki, avqustun 1-dən 2017-2018-ci tədris ili üzrə “ASAN peşə” layihəsi çərçivəsində ilk peşə-ixtisas təhsili müəssisələrinə sənəd qəbuluna start verilib. Artıq 2000-dən çox qeydiyyatdan keçən var.
“Bu qədər yüksək fəallıq müşahidə olunmasında ötən ilin təcrübəsinin rolunu dana bilmərik. Yəni, ötən il iştirak edənlərin təcrübəsi var və bu barədə çoxları məlumatlıdırlar. Bu il bütün “ASAN xidmət” mərkəzlərində - Bakı, Gəncə, Sumqayıt, Qəbələ, Bərdə, Sabirabad, Masallıdakı mərkəzlərin hər birində peşə seçmək istəyənlər üçün şərait yaradılıb. Həmin mərkəzlərə başqa rayonlarda yaşayanlar da müraciət edə bilər. Bunun üçün məktəbə getmələrinə ehtiyac yoxdur. İxtisaslar barədə nazirliyin saytında da geniş məlumat verilir. Yaxud rayonda bir “ASAN xidmət” mərkəzinə gəlməklə vətəndaş Bakıda birdən-birə 11 təhsil müəssisəsinin ixtisasları haqqında məlumatlar ala bilir və 10 ixtisas üzrə seçim aparır”-deyə, A.Cəlili bildirib.
loading...