altun.az

Rusiya xalqı bütün MDB dövlətlərinin əməkdaşlıq edəcəyi prezidenti seçir - Ziyafət Əskərov

18-03-2018, 19:48

Rusiya xalqı bütün MDB dövlətlərinin əməkdaşlıq edəcəyi prezidenti seçir - Ziyafət Əskərov

Biz artıq bir neçə gündür ki, Moskvadayıq, bunadək isə MDB-nin Parlamentlərarası Assambleyasının müşahidə missiyası çərçivəsində Rusiyanın başqa şəhərlərində olduq. Azərbaycan nümayəndəsinə belə bir fəxri missiyaya rəhbərliyin etibar edilməsi ikiqat sevindiricidir, bu həm də ikiqat məsuliyyət deməkdir.
Report xəbər verir ki, bunu Azərbaycan Milli Məclisinin vitse-spikeri Ziyafət Əskərov Moskvanın Arbat rayonunda 3 saylı seçki məntəqəsinin açılışında deyib.
O, MDB Parlamentlərarası Assambleyası missiyasının koordinatoru təyin olunduğuna görə minnətdarlığını ifadə edib.
Azərbaycan nümayəndəsi seçkilərin şəffaf, səsvermə prosesinin Konstitusiyaya və Rusiyanın seçki qanunvericiliyinə uyğun keçdiyini qeyd edib.
Z.Əskərov bildirib ki, Rusiya xalqı bütün MDB dövlətlərinin əməkdaşlıq edəcəyi prezidenti seçir.
"Biz həm Rusiyada, həm Azərbaycanda, elcə də digər MDB ölkələrində sabitliyin olmasında maraqlıyıq. Çünki sabitlik olmasa, inkişaf da olmaz. İnkişaf varsa, sabitlikdə var, iqtisadiyyat işləyir. İqtisadiyyat işləyirsə, bu, insanlar üçün yaxşıdır. Allaha şükür, bu gün Rusiyada sabitlik var, stabillik şəraitində prezident seçkiləri keçirilir. Dünən Rusiyanın müxtəlif subyektlərində olan missiya üzrə həmkarlarımız öz hesabatlarında federasiyanın digər regionlarında da vəziyyətin sakit olduğunu, seçkilərin təşkil olunduğunu və Rusiya qanunvericiliyinə uyğun keçirildiyini xəbər veriblər. Rusiya xalqına layiqli prezident seçmək yolunda uğurlar arzu edirik", - deyə MM-in vitse-spikeri bildirib.
O, həmçinin qeyd edib ki, Rusiya seçkilərində təhlükəsizlik məsələlərinə böyük diqqət ayrılıb.
"Vətəndaşlar seçki məntəqəsinə daxil olarkən ciddi yoxlamadan keçirlər, seçki məntəqəsi və komissiya binaları etibarlı mühafizə altındadırlar ki, bu da təhlükəsizliyin yüksək olmasından xəbər verir", - deyə Z.Əskərov söyləyib.


Mətndə səhv var? Onu siçanla seçin və Ctrl+Enter düyməsini basın.
Oxunub: 0 <
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
www.Altun.az
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Təsisçi və Baş redaktor: Süleyman Məmmədli
Tel: (+99450) 365-95-47
Baş redaktorun I müavini: Azay Süleymanoğlu
Tel: (+99451) 390-20-70
E-mail: altun.az@mail.ru
altun.reklam@mail.ru
altunxeber@gmail.com