Bugün:

"Fəryad" adlı nidam mənim - ŞEİR

26 fev 2017, 09:05, gunes
    Oxunub: 178
Qışdan yamanca qorxuram,
Sızıldayır sanki yaram.
Şaxta gəlir, sazaq gəlir,
Bahar gələr, inanmıram.

Bir ömürlük vida kimi,
İniltili səda kimi,
Əzab verir yaman mənə
“Fəryad “ adlı nida kimi.

26 fevral - bu gün
Neçə ömrə vurdu düyün.
Al-qan oldu qoca, cavan,
Bitdiyi gün idi sözün.

“Millətpərəst millətçilər”
İmdada yetişmədilər.
Bir “soyqırım” etdi o gün,
Bizə qarşı ermənilər.

Soyuq idi, soyuq yaman,
Xalqım oldu gülləbaran
Damarında qanı dondu,
Öldü neçə körpə fidan.

Sağ qalanlar da birtəhər,
Gözlərində qorxu, kədər.
Ey xəbərsiz insan, oxu
O gözlərdən – oldu “nələr”.

Axtarırdı doğmasını,
Körpə uşaq anasını.
Zalım yağı dağıtmışdı
Neçə ömrün yuvasını.

Deyirlər ki, Allah hanı,
Ali yaratmış insanı?
Bəzən insan oğlu, hətta
Utandırır Yradanı.

Zümrüd GÜNƏŞ
30. 03.2016
loading...